(-_-)عيووونه(-_-)

" longdesc="67" />

عيونه الي رمت قلبي ف بحر الود
لأني احبه واحب الي يحبونه
عيونه الي مولع بها لأخر حد
وحده حبيبي وانا بالفعل مفتونه
من قبل اشوفه قصيدي ما انكتب في حد
واليوم كل القصايد بس لعيونه
كل المشاعر تقول شو يعجبك بالورد
واقول يمكن يشابه طبعه ولونه
لا والله انه جمع كل الورود بخد
مابين طرفه وثغره روض بينونه
واشهى شفايه مطيع بالكرز والشهد
واجمل محياه من صبح ابتسم كونه
ان شفت عينه تخيلت الكسل والسد
نعس كأن المنام يراود عيونه
الليل فيها حياة الحال ماسرمد
والعشق فيها قصيد يوفي ديونه
والثغر لا لولو ولا جوهر عنقد
حبات قطر الندى بشفاه مخزونه
القد لاعود مايسلى غصن لاجد
يوصل مقامه او انه ينتضر لونه
عليل كأنه نسايم بين حر وبرد
خريف عمري بقربه تزهر غصونه
هذا غرامي وهذا حبي الأوحد
يابخت قلبي لو أني صرت مضنونه