ناكر العشرة

::السلام عليكم:


هذي اخر كلمات كتبتها وان شاء الله تعجبكم ..

ياهو من يسمع صدى شكواي أحزانه تهون::
وياهو من فارق زمانه جنة الحب وعدنها
وياهو من يشفي محب(ن) جرَحه دمع العيون::
وياهو من يقفل على دنياي باب الحزن عنها
ليتها الدنيا تحس بحيرتي وشلون اكون::
أجمع حساب الليالي وأطرح الاحزان منها
ما لقيت إلا دقايق فرحت(ن) فيها شجون::
وكل باقيها مأسي بدنيتي دافع ثمنها
وكل ما احاول أصحح ما خطيته بهالسنون::
أوقف أفكر وأحاول أني اتذكر زمنها
كل غلطة ليها وقت وليها شكل وليها لون::
وكلها داخل فؤادي ضمها الوقت ودفنها
والله ما أجفي وربي أحفظ العشرة وأصون::
صادق الاحساس طبعي والصراحه محتونها
اعشق بخالص ضميري وعمري ما فكرت أخون::
الخيانه ماهي طبعي وانا ماني من وطنها
الخيانة فارقتني والتجافي والظنون::
والصدق والطيب صحرا وانا واحد قد سكنها
بس لي أحبه خسارة ينكر العشرة ويخون::
يترك جروحي بدماها سيوف ما أتحمل طعنها
وتنتثر فيني جروحي وتكثر بقلبي الطعون::
واحترق من نار فيني ظالمه قاسي وهنها
نار تكوي كل عاشق خانته مثلك فتون::
من سما غدرك خساره سيل يهطل من مزنها
ناكر العشرة تمهل دام لي عندك ديون::
سدد ديونك وارحل عيش هالدنيا وحزنها
وبمشي في دنيا جديدة دنيا اعشقها بجنون
أجمع أفراح الليالي وأطرح الأحزان منها

وسلامتكم والسموحه ع القصور ..