ρяїѝсεṧṩ fṏfổ ♡ مـشرفـة ♡
عدد المساهمات : 781 نقاط : 6083 السٌّمعَة : 2 تاريخ التسجيل : 25/02/2010 العمر : 30
| موضوع: قصيدة لشاب فقير خطب بنت عمه المليونير الأربعاء أبريل 07, 2010 1:10 am | |
|
::السلام عليكم:
سبحان من يرزق بتوع الملاييـن*** الرازق اللي ما يخيب الرجـا بـه
لي عم عنده معـرضٍ للصواليـن ***أموت واعرف بس من وين جابـه
وإذا سألته قـال بعـت الدكاكيـن***ما يدري إني ما هضمت الإجابـة
الشاهد إني رحت له قبـل يوميـن***في قصره العامـر ودقيـت بابـه
قال أرحب أرحب عدّد ورد البساتين***يا مرحبا باللـي لفـا يـا هلا بـه
قلت البقا عـدّ النفـل والرياحيـن ***يا شيخ شمل أهل الكرم والذرابـه
قال اسلم الله يحفظك لي من العين***وآمر أوامر حضرتـك مستجابـة
قلت الصراحة طالبٍ قرب غاليـن*** ودي تزوجنـي كريمتـك يـابـه
ثنّى وقال أهليـن والله وسهليـن***والكون ترخص لجل عينك رقابـه
لكن ترا عندي شـروط وقوانيـن***قلت اشرط اشرط يا حبيب الغلابـة
قال أولاً مهر العروسـة ثمانيـن***غير الرسوم وغير حق العصابـة
والثانية عمك يبي منـك سبعيـن***رسم الأبـوّة والنسـب والقرابـة
وأم العروسة حقها منـك ستيـن***عشانها ست الحسـن والمهابـة
وإخوانها كلن يبي منـك خمسيـن***عداً ونقـداً تنـدرج فـي حسابـه
وخواتها الخمس عطهن من ثلاثين***عشان تتوثـق عـروق النسابـة
وتجيب طقم عيار واحد وعشرين***وخاتم من الماس المصفى ترابـه
وأكياس متروسة كعوب وفساتيـن***ألوانهـا وأشكالهـا مـا تشابـه
وموتر بسواقـه وفيـلا بدوريـن***أثاثهـا مـن بطرتـه ينحكـى بـه
واحجز لنا قاعة بقصر السلاطيـن***واحجز بهـا رقاصتيـن وربابـه
هذي الشروط اللي على بالي الحين***وذكرني اللي ما حسبنـا حسابـه
قلت اذكر الله يا عـدو المساكيـن***واستغفـره لا يبتلـيـك بعـذابـه
الظاهر إنك منت عارف أنا ميـن ***أنا لو أرقى فـوق متـن السحابـه
ما جبت حتى نص درزن مواعيـن***واضحك بكيفك واعتبرهـا دعابـة
شروطكم هذي شـروط المجانيـن***شروطكم شغـل ابتـزاز ونهابـه
شروطكم تقصم ظهـور البعاريـن***شروطكـم همّـن وغـم وكآبـه
شروطكم والله سيوف وسكاكيـن***تذبح بنات المجتمع مـع شبابـه
وين الرضا والعطف واليسر والليـن***اللي ذكرهـا الله بمحكـم كتابـه
وين الصفات اللي أمرنا بها الديـن **وين اختفى نهج النبي والصحابـة
يا عم جعل اللي خلقنا من الطيـن**يرد عقلك مـن خطـاه لصوابـه
ويجعل نصيبي عند غيرك قل آمين**ويحسن عزا الصابر ويجزل ثوابه
قال أنت لو فكرت تفكير صاحيـن***ما شفت في مجمل شروطي غرابه
حنا بعصـر العولمـة والمزاييـن *** ماهوب عصر الفلسفة والخطابـة
الناس تسعى للرتـب والنياشيـن***وأنت اهتمامك بالشعـر والكتابـة
والشعر ما ينفعك لو هو دواويـن***ما دام جيبك مثـل بيـت الخرابـة
يا بوك لا تسمع كلام المصاخيـن***واسأل مجرب عاش في وسط غابه
قلت الله أكبر يا محـرر فلسطيـن ***من يسمعك يحسبك ذيـب الذيابـه
تراك شايب رأس مالـك رياليـن ***والبنت ما تسوى جنـاح الذبابـة
قال انقلع مالت على وجهك الشين****لا عاد أشوفـك عندنـا يالزلابـه
قلت ابشر أبشر لكن الباب من وين**وأقفيت من عنده على صوت بابـه
القصيدة منقولة
| |
|
gняσσσя ♡ المــديـرة ♡
عدد المساهمات : 1484 نقاط : 6873 السٌّمعَة : 13 تاريخ التسجيل : 14/02/2010 العمر : 29 الموقع : ♡♡مسقط♡♡
| |
ملوكه الدلوعه!!! ♡ مراقبــة ♡
عدد المساهمات : 246 نقاط : 5417 السٌّمعَة : 0 تاريخ التسجيل : 17/03/2010 العمر : 30 الموقع : السيب
| موضوع: رد: قصيدة لشاب فقير خطب بنت عمه المليونير الخميس أبريل 08, 2010 1:02 am | |
| إذا صاحبي ماذخرني ليوم الاسود مااذحره وإذا خوي مايقدر خوتي ما قدرة لابارك الله في صديق تزعله كلمة عتاب ولا جمع الله الرجال إلي تفرقهم مرة........$ملوكه | |
|
cute nana ♡ مـشرفـة ♡
عدد المساهمات : 472 نقاط : 5729 السٌّمعَة : 9 تاريخ التسجيل : 04/03/2010
| موضوع: رد: قصيدة لشاب فقير خطب بنت عمه المليونير الخميس أبريل 08, 2010 7:33 am | |
| يسلموووو عالطرح النايس.... | |
|
ρяїѝсεṧṩ fṏfổ ♡ مـشرفـة ♡
عدد المساهمات : 781 نقاط : 6083 السٌّمعَة : 2 تاريخ التسجيل : 25/02/2010 العمر : 30
| موضوع: رد: قصيدة لشاب فقير خطب بنت عمه المليونير السبت أبريل 17, 2010 1:28 am | |
| يسلمووووووووو عالمرور ... | |
|